PINCHAR PARA VER O VÍDEO DO ACTO

1º Premio

Ciencias Básicas

Beatriz Pelaz García

Profesora da Universidade de Santiago e investigadora do Centro Singular de Investigación en Química Biolóxica e Materiais Moleculares (CiQUS) da USC. O seu traballo céntrase no desenvolvemento de nanomateriais funcionais para a súa aplicación en modelos biolóxicos, co obxectivo de crear unha nova xeración de nanomedicinas máis eficientes.

Accésit

Ciencias Básicas

Susana Ladra González

Profesora da Universidade da Coruña e membro do grupo de investigación “Laboratorio de Bases de Datos” na facultade de Informática. Durante os últimos anos foi investigadora do Centro de Investigación en Tecnoloxías da Información e as Comunicacións -CITIC-. Enfoca o seu traballo ao deseño de algoritmos e estruturas de datos aplicados á recuperación de información e en aplicacións multidisciplinares no campo da bioinformática.

Accésit

Ciencias Básicas

Iria Gómez Touriño

Profesora da Universidade de Santiago e directora do grupo de investigación “Xenomas e Inmunidade” no Centro Singular de Investigación en Medicina Molecular e Enfermidades Crónicas -CiMUS- da USC. Estuda os mecanismos moleculares da autoinmunidade e como as moléculas pequenas  participan na alteración do funcionamento do sistema inmunolóxico, así como o seu potencial terapeútico.

1º Premio

Ciencias Técnicas

Belén Riveiro Rodríguez

Profesora na Escola de Enxeñaría Industrial da Universidade de Vigo. Investigadora do CINTECX -Centro de Investigación en Tecnoloxías, Enerxía e Procesos Industriais-, onde forma parte do grupo de investigación “Xeotecnoloxías Aplicadas”. Lidera novidosas liñas de investigación que combinan a enxeñaría estrutural, a teledetección e a intelixencia artificial para a avaliación de estruturas de enxeñaría civil.

Accésit

Ciencias Técnicas

Sara González García

Profesora de Enxeñaría Química na Universidade de Santiago e investigadora do Centro de Investigación Interdisciplinar en Tecnoloxías Ambientais -CRETUS- da USC. As súas principais liñas de investigación inclúen a economía circular, o estudo das pegadas ambientais e a análise da sustentabilidade; empregando a metodoloxía da análise do ciclo de vida (ACV) en sistemas industriais, agroalimentarios, urbanos e forestais.

1º Premio

Ciencias Sociais

Cristina Gómez Román

Profesora de Psicoloxía da Universidade de Santiago. Desenvolve o seu labor no campo da psicoloxía política, a acción colectiva e o comportamento das persoas en contextos de crises sociais e políticas. Investiga ademais sobre problemas ambientais no Centro de Investigación Interdisciplinar en Tecnoloxías Ambientais -CRETUS- da USC, onde coordina o seu programa de Mentores.

Accésit

Ciencias Sociais

Ariadna Monje Amor

Profesora da Universidade da Coruña. Lidera diferentes grupos de traballo relacionados co emprendemento -en colaboración cos proxectos GEM en España- e co turismo, realizando tanto investigacións científicas como asesoría para distintas administracións. Realizou estadías de investigación nas universidades de Tesalónica (Grecia) e King’s College London.